Wake boarding!!
Ich uebernachte grad bim Brandon. bin huett mit ihm go wake boarde, isch hammer gsi! nach dem dasi scho vo afang aa raecht guet han choene fahre bini au es paar mal umgheit und han debii e chliini hirnerschuetterig iigfange. isch raecht beaengstigend waenn mer uf eimal d'luet um eim ume nuemme kennt und nuemm weiss wo mer isch. isch denn aber alles wider zrugg cho und es haett sich trotzdem total glohnt!! freu mi scho uf de camping trip am sunntig, den gits meh wake boarde!
morn abig gani so wies usgseht anes Football spiel in SF zwuesched de 49ers und de Raiders, freu mi scho!!
so, morn isch scho fasch min letschte tag in san jose, denn gseni eu denn wider ide schwiiz...mit gmischte gfuehl vo da waeg z'gah...! Freu mich aber eu bald wider z'gseh!
bis denn... Raffy :-)
Sailing
Hallo zaeme, de mark isch wider dihei vo sim camping trip und drum chan ich wider mal is internet :-)
geschter bini mit em brandon go saegle im pazifik. isch hammer gsi, bin mer vorcho wie en matros. jedes mal waenn mer g'waendet haend haet de unkel vom brandon "Tacking!" grueft und denn ischs boot um oeppe 90 grad kippt! isch au es schoens windli gange das mer ordentlich vorwaerts cho sind. vorgeschter haend mer e chlini party im apartment gha mit bbq, de tag vorher sind de mike larsen und ich de hoppe go bsueche i sim camp. er isch immer na so en coole typ wie er scho immer gsi isch. am wuchenend bini wider mal am strand gsi und aschluessend bis canninos go verbii luege. de steve isch sozaege "retired" usserd emne job wos um immobilie gaht. d'kika und de jimmy sind natuerlich aelter worde (de jimmy surft jetzt und gseht au susch us wie en richtige kalifornier) und d'claudia hani nanig gseh. nach s'canninos bini na imne beach house gsi mit de college group vode shcc.
bin au wider mal go bowle mit em nick. mit em shoppe bini fasch fertig, han nur na kei gschidi aktion fuer baseballs gfunde!
mit em brandon chumi immer na glich guet us. er isch grad 2 wuche i england gsi mit em US West lacrosse team. er zueglet am naechschte mittwuch zrugg uf san diego ines apartment, da er det is college gaht. s'waetter det une seg na besser als im silicon valley. naja, gschmacksach...
am sunntig gani so wies usgseht uf en camping trip anen see wo mer goend go Wakeboarde (mit em brett uf wasser fahre und debii ueber d'waelle vom boot gumpe). ich hoffe bis denn mal na choenne is Great America z'gah. bis zum naechschte mal!
S.F. Giants
Bin jetz bim Mark dihei zum uebernachte, will 2 kollege us em apartment in Paradise am Fische sind. Wer au mitgange, isch aber z'churzfristig gsi. Defuer chani jetzt wider mal imne Bett schlafe nachdem dasi 2 wuche lang uf emne sofa vo 2 chatze plaged worde bin :-)
Geschter bini in San Francisco amne baseball spiel gsi. isch sehr spannend worde gaeg de schluss und mer haett de biiswind fascht vergaesse. (sie haend leider 4-3 verlore) Waenn mer us em heisse san jose uf SF ufefahrt vergisst mer schnaell emal d'temperatur unterschied und demit en pullover zum ueberzieh...bin uebrigens mit em Tim und emne kolleg vo ihm gsi, de tim haett gratis chartene gha und chan vilicht au fuer s'Great America es paar uftriibe!
Vorgeschter bini chli mit em Dustin sim auto go umefahre. psst, niemerem saege! s'autofahre da isch wuerkli so eifach wie ichs mer vorgstellt han. zudem machts extrem spass!
ich han mittlerwiile mal im blockbuster vode "3 dvds fuer $25"-aktion profitiert. muessi denn mal no widerhole. ebefalls han ich mir en mp3 player zueta und scho halbe gfuellt mit em mark sine mp3's. your best buys are always at fry's...guaranteed!"
en gruess vo Frank&Nancy. Ich bin sie am ueberrede baldmoeglichscht mal en trip id schwiiz z'unterneh. de brandon isch jetzt in oregon, mir unternehmed denn nomal chli oeppis waenn er wider da isch. so, bis zum naechschte mal!
Hot Tub
es isch ziischtig morge am 4i und ich bin grad bide Coleen dihei (mike larsen sini fruendin). mir sind i dem moment us em jacuzzi usegstige. vorher haend mer so e art mitternachts bbq gha und haend eus na lang unterhalte und ueber diversi sache diskutiert...
Geschter sind mer am morge wie gseit ide santa cruz mountains go bike. bin dasmal mit em dustin und em mark unterwaegs gsi. wills knapp 100 grad gsi isch haett sini mueter es paar bedenke gha das mir jetzt muend go velofahre. mir haend denn aber gnueg wasser mitgno und det obe isch nur na oeppe 85 gsi, haett spass gmacht! zum znacht haett den am d'mrs azzarello enchiladas und chili verde uftischet, mega fein gsi. au huett abig hani wider det g'aesse. d'amis sind eifach unglaublich, sie raechned immer mit irgendwelche gaescht wo na choenntet uftauche und haend oeppis fuer die parat :-)
huet namitag bini bim alain (aellen) dihei gsi go zueluege wie er a sim alter camaro schafft und go billiard spile. er wohnt mit sine eltere inere villa uf em huegel uf de andere siite vode almaden expwy. er isch en grosse fan vo "american muscle cars"!
jetzt gani denn langsam go schlafe susch magi morn noed ufstah zum an strand z'gah! freu mi scho, hoffentlich spillt s'waetter chli mit. die andere haend morn au frei, drum choend mer eus det hoffentlich chli ziit la. ich blib uebrigens jetzt vorerst mal im apartment, will de nick wiiterhin schafft und ich noed wet bi ihm dihei festsitze. die 3 jungs im apartment haend unterschiedlichi arbeitsziite und drum haett au immer oepper ziit zum oeppis unterneh.
liebi gruess us SJ!
Power's back!
mir haend jetzt sit es paar taeg wider strom. tuet guet, mer merkt gar noed wie abhaengig mer isch devo (chuehlschrank, liecht, natel, tv...)
bin grad bim nick dihei und mer wartet uf de znacht wo sini mueter am choche isch. es gitt glaub chicken oder sowas! huett isch mega warm gsi (heisse trochne wind!), drum sind mer nach de autoshow im south hills parkplatz (ca 80 uusgstellti autos) zum 2. mal die wuche in cabana club go bade. han leider niemert meh kaennt det. sind zwar noed ganz sicher gsi oeb mer das derfed, aber haett niemer oeppis gseit. geschter sind mer nomal vom grosse stei go abegumpe und debii han ich en chline egge vomne zaa verlore. mer gsehts noed guet, aber ich gang glaub trotzdem noed nomal det ane...
geschter z'abig bini mit em dustin und em nick go bowle bide oakridge mall. isch luschtig gsi, aber mir haend nur knapp 100 gschafft!
am mittwuch abig sind mer is kino go Wedding Crashers luege. isch glaub de luschtigst film woni je gseh han.
go aesse bini bis jetzt im burger king, taco bell, carl's jr., jack in the box, round table pizza und paar anderne ort. am strand sind mer nanig gsi. morn am morge gahts sehr wahrschinlich nomal id santa cruz mountains fuer e bike tour. so, s'aesse isch parat. bis zum naechschte mal!
no news
no news from Raffi today, they must be busy...
No Power!
so bin wider mal online und das mal bim Tim sim vater im buero wo sie
benuetzed zum mit ihrere band z uebe wills so inere lager halle isch i sj
downtown. isch na cool da, sie haend au e bar und en billiard tisch... ja, han grad vorher dra daenkt dass d michal morn (huet) geburri haett aber
gmerkt dases na z frueh isch zum aluete. mussi denn na spaeter waenni es
telefon find noimed, de mike haett keis im apartment. im moment hoffed mer
dass de strom gli wider agschaltet wird das mer choend d natels iistecke
etc, tv luege am abig und nueme muend im dunkle tusche. isch aber noed so
schlimm und de eric haett zudem huet morge na s ganze apartment ufgrumt und
drum ischs jetzt au vill agnehmer det! naebed am michael und em tim isch au
na en gwuesse scott ide band wo schinbar mal mit em philipp muetschard id
leland gange isch. ihn hani nanig kaennt, isch en coole typ. vorher bini mit em mike imere mall xi und det hani mal es paar schue fuer
$25 und 2 paar shorts fuer je $15 kauft. han denn sicher mal no glaegeheit
zum nomal go iichaufe. huet morge sind mer is ihop go french toast und co
aesse.
im moment gfallts mer immer meh bim mike und ich blib jetzt vorerst mal det.
mis telefon isch ja ebe mit em akku dune und ich chans im moment noed
uflade. geschter abig sind mer na bim mark azzarello xi, en ehemalige
klassekamerad vo mir. defuer goend mer wahrschinlich huett abig is kino go.
morn haend mer planed an strand z ga!
Arrived!
Arrived!
bin im moment grad bim nick dihei am kompi, er isch grad am tusche also hani
sogar chli ziit, han vorher grad d'message uebercho vos espositos wo du ine
gla haesch, sorry dases so lang gange isch aber isch halt grad vill gloffe!! also ich bin nach emne extrem lange flug bzw nachere extrem lange reis am
halbi 12i am abig in san jose acho (flug vo dallas uf sj haet na verspaetig
gha) wo mich denn de nick und sini fruendin (d bethany us de shcc, d michal
kaennt si vilicht) abgholt haend. sie haend mich denn zum mike larsen bracht
wo inere wg wohnt mit em dustin (hani allerdings nanig gseh) und emne andere
kolleg wo eric heisst. isch na cool det, usserd dass sie im moment kei strom
haend will mal e rechnig under gange isch und dass e riise sauordnig isch im
ganze apartment. bin denn huett morge vom nick abgholt worde zum id chile
gah (de larsen haett leider mit de chile nuemm so vill am huet und haett au
agfange rauche) wo huett grad am worship leader danny sini verabschidig
statt gfunde haett! es isch raecht "moving" xi. susch hani noed vill luet
gseh ide chile woni kaennt han. de hoppe haett mal na agluetet und gseit mer
soelled en naechscht wuche unbedingt mal go bsueche und de thomas cho haend
mer im burger king troffe.
huett namitag bini mit es paar luet und em nick und de bethany zaeme chli in
san jose go bike uf de sidewalks, isch hammer gsi, s'waetter isch super!
huett abig gani sehr wahrschinlich na is kino go charlie and the chocolate
factory go luege.
de dave weiss organisiert uebrigens naechscht wuche so e car show, wird
sicher na interessant.
